Ապրիլ 30, 2013: Տեղի ունեցավ Սոցիալական աշխատանք մասնագիտությամբ մեկամյա հեռաուսուցման դասընթացի շրջանավարտների ավարտական վկայականների հանձնման արարողությունը

Սույն թվականի ապրիլի 30-ին ԵՊՀ Գիտական խորհրդի նիստերի դահլիճում տեղի ունեցավ հեռաուսուցման լաբորատորիայի <<Սոցիալական աշխատանք>> մասնագիտությամբ մեկամյա հեռաուսուցման դասընթացի շրջանավարտների ավարտական վկայականների հանձնման արարողությունը:

Հարկ է նշել, որ սա դպրոցներում աշխատող սոցիալական մանկավարժների առաջին խումբն էր /ՀՀ դպրոցներում նոր է ներդրվում սոցիալական մանկավարժի ինստիտուտը, և օրենքում սահմանված պաշտոնի նկարագրության մեջ նշվում է, որ այս պաշտոնում կարող են աշխատել սոցիալական մանկավարժի կամ սոցիալական աշխատանքի կրթություն ունեցող մասնագետները/:

Ողջույնի խոսքով հանդես եկավ ԵՊՀ սոցիոլոգիայի ֆակուլտետի դեկան Արթուր Մկրտիչյանը: Ելույթներով հանդես եկան սոցիոլոգիայի ֆակուլտետի դեկանի տեղակալ Ա. Սահակյանը և հեռաուսուցման լաբորատորիայի դասախոս Ա. Սաֆարյանը' կարևորելով դպրոցում սոցիալական մանկավարժի ինստիտուտի կայացման գործում այս դասընթացի նշանակալիությունը:

Երախտիքի խոսքով հանդես եկան նաև շրջանավարտները, ովքեր նշեցին նմանատիպ վերապատրաստման դասընթացների կարևորությունն ու անհրաժեշտությունը' տեսական և գործնական գիտելիքների համադրմամբ:

Ողջույնի խոսքով հանդես եկավ նաև դպրոցներից մեկի տնօրենը' երախտիքի և շնորհավորանքի խոսքեր հայտնելով ներկաներին, կարևորելով ԵՊՀ Սոցիոլոգիայի ֆակուլտետի հեռաուսուցման լաբորատորիայի մեծ ներդրումը սոցիալական մանկավարժների վերապատրաստման գործում:

Միջոցառումը կազմակերպեց և վարեց սոցիոլոգիայի ֆակուլտետի հեռաուսուցման լաբորատորիայի վարիչ Ա. Խուրշուդյանը: